හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂ සහ ඔහුගේ බිරිඳ ප්රකාශයක් ලබා දීම සඳහා කොම්පඤ්ඤ වීදිය පොලිසියට පැමිණ ඇති බව වාර්තා වේ. ඒ පසුගියදා කොළඹ, යූනියන් පෙදෙසේ රාත්රී සමාජ ශාලාවක ඇතිවූ ගැටුමක් සම්බන්ධයෙනි.
පසුගිය 22 වන දා රාත්රියේ සිදුවූ අදාළ ගැටුම සම්බන්ධයෙන් මෙම සමාජ ශාලාවේ හිමිකාරිනිය විසින් පොලිසියට පැමිණිල්ලක් සිදු කර ඇත.
එම පැමිණිල්ලේ සඳහන් වන්නේ, මෙම සමාජශාලාව තුළට ඇතුළුවීමට අවශ්ය අත්පලඳනාවක් නොතිබීම මුල් කරගෙන හටගත් වාදයක් හේතුවෙන් ආරක්ෂක නිලධාරියෙකුට පහර දීමක් සිදුවී ඇති බවයි.
හිටපු ජනාධිපති මහින්ද රාපපක්ෂගේ පුත් යෝෂිත රාජපක්ෂ හා ඔහුගේ බිරිය සමග පැමිණි අයෙකු මෙසේ අත්පලඳනාව පැලඳ නොසිටි ඇති අතර එවිට ආරක්ෂක නිලධාරියා අත්පලඳනාව ගැන විමසීමක් කර ඇති අතර එහිදී හටගත් බහින්බස්වීමක් දුරදිග යෑමෙදී සැකකරුවන් ඔහුට පහර දී ඇතැයි පැමිණිල්ලේ සඳහන් වේ.
