ශ්රී ලංකාව මැදපෙරදිග කලාපයේ තත්ත්වය සමනය කිරීම සඳහා ස්ථිර ක්රියාමාර්ග ගන්නා ලෙස සියලු පාර්ශ්වයන්ගෙන් ඉල්ලා සිටියි.
විදේශ කටයුතු, විදේශ රැකියා සහ සංචාරක අමාත්යාංශය නිවේදනයක් නිකුත් කරමින් මේ බව දැනුම් දී තිබේ.
ශ්රී ලංකාව මැදපෙරදිග කලාපයේ වත්මන් තත්ත්වය පිළිබඳව දැඩි කනස්සල්ලට පත්ව සිටින බව එහි දැක්වේ.
ශ්රී ලංකාව එම තත්ත්වය සමනය කිරීම සඳහා ස්ථිර ක්රියාමාර්ග ගන්නා ලෙස සියලු පාර්ශ්වයන්ගෙන් තරයේ ඉල්ලා සිටින බව එම නිවේදනයේ වැඩිදුරටත් සඳහන් වේ.
එම නිවේදනයෙන් දැනුම් දී තිබෙන්නේ, මැදපෙරදිග කලාපයේ ස්ථාවරත්වය සහතික කිරීමේ අරමුණින්, සාමය ස්ථාපිත කොට පවත්වා ගැනීම සඳහා, අදාළ සියලු පාර්ශ්වයන් නැවත සංවාදයට පැමිණ, නොපසුබට රාජ්යතාන්ත්රික ප්රයත්නවල නිරත විය යුතු බවයි.
