ඇමෙරිකානු ජනාධිපති ඩොනල්ඩ් ට්රම්ප්ගේ දැඩි තීරුබදු පැනවීම ඇමෙරිකානු ෆෙඩරල් අධිකරණයක් විසින් අත්හිටුවා තිබේ.
කෙසේ වෙතත් ට්රම්ප් පරිපාලනය විසින් අභියාචනයක් ඉදිරිපත් කර ඇත.
මෑන්හැටන්හි පිහිටි ජාත්යන්තර වෙළඳ අධිකරණය විසින් මෙම නියෝගය ලබා දෙමින් සඳහන් කර ඇත්තේ, එක්සත් ජනපද ආණ්ඩුක්රම ව්යවස්ථාව මගින් කොංග්රසයට අනෙකුත් රටවල් සමඟ වාණිජ්යය නියාමනය කිරීමට සුවිශේෂී බලයක් ලබා දී ඇති බවත්, එක්සත් ජනපද ආර්ථිකය ආරක්ෂා කිරීම සඳහා ජනාධිපතිවරයාගේ හදිසි බලතල මගින් එම බලය ඉක්මවා යා නොහැකි බවත්ය. එසේම ධවල මන්දිරය විසින් ක්රියාත්මක කරන ලද හදිසි නීතියක් මගින් ජනාධිපතිවරයාට සෑම රටකටම පාහේ තීරුබදු පැනවීමට ඒකපාර්ශ්වික බලයක් ලබා නොදෙන බව ද ත්රිපුද්ගල විනිසුරු මඬුල්ල විසින් වැඩිදුරටත් තීන්දු කර ඇති බව සඳහන් වේ.
මෙම නියෝගය ඔහුගේ ප්රධාන ආර්ථික ප්රතිපත්තිවලට දැඩි පහරදීමක් බව සඳහන් වේ.
