රුපියල් ලක්ෂ 10කින් නිවසක් ඉදිකරන්නේ කෙසේදැයි විපක්ෂයේ ආර්ථික විශේෂඥයන් ප්රශ්න කළ ද, ගම්පහ දිස්ත්රික්කයේ පමණක් එවැනි නිවාස 218ක් මේ වන විට සාදා නිමකර ඇති බව කම්කරු නියෝජ්ය අමාත්ය මහින්ද ජයසිංහ මහතා පවසයි.
අයවැය දෙවැනි වර කියවීමේ විවාදයට එක්වෙමින් නියෝජ්ය අමාත්යවරයා මෙම අදහස් පළ කළේය.
“කියන්නේ නම් ආර්ථික ඔස්තාද්ලා කියලා, හැබැයි අද පුංචි කරුණක් ගැනවත් ඔවුන්ට අදහසක් හදාගන්න බැරි තරමට කොන්ෆියුස් වෙලා තිබෙනවා. හර්ෂ ද සිල්වා ආචාර්යතුමා ඇහුවා ලක්ෂ 10න් කොහොමද ගෙවල් හදන්නේ,” යැයි ඔහු පැවසීය.
“මම ආරාධනා කරනවා එන්න ගම්පහට යන්න, අපි ගෙවල් 218ක් නිමකරලා තිබෙනවා, 218ම පෙන්වන්නම් කොහොමද හදලා තියෙන්නෙ කියලා. මේක එහෙම දේශපාලන ව්යාපාරයක්. විපක්ෂයට ඒක තේරුම් ගන්න බෑ,” යැයි නියෝජ්ය අමාත්ය මහින්ද ජයසිංහ වැඩිදුරටත් අවධාරණය කළේය.
