හොරණ – කොළඹ (මාර්ග අංක 120) පෞද්ගලික බස් රථ අද (ජූනි 25) දින ධාවනයෙන් ඉවත්වීමට තීරණය කර ඇති බව වාර්තා වේ.
මාර්ගස්ථ මගී ප්රවාහන අධිකාරියේ සභාපතිවරයා විසින් මිල්ලෑව – හොරණ හරහා කොළඹ දක්වා නව බස් රථයක් අත්තනෝමතික ලෙස යෙදවීමට විරෝධය පළ කරමින් මෙම තීරණය ගෙන ඇති බව සඳහන් වේ.
හොරණ – කොළඹ පෞද්ගලික බස් රථ හිමියන්ගේ සංගමයේ සභාපති ජනක ගුණසිරි මහතා ප්රකාශ කර සිටියේ, මෙම ගැටලුවට විසඳුමක් නොලැබුණහොත් ඉදිරියේදී සෙසු මාර්ගද මෙම විරෝධතාවයට එක්කර ගන්නා බවයි.
මෙම තත්ත්වය හේතුවෙන් අපහසුතාවට පත්ව සිටින මගීන් වෙනුවෙන් ලංගම බස් රථ යෙදවීමට කටයුතු කර ඇති බවද වැඩිදුරටත් වාර්තා වේ.
