බදුල්ල දිස්ත්රික්කයේ නායයෑමේ අවදානම සහිත ප්රදේශවල ජීවත්වන ජනතාව සුරක්ෂිතව නැවත පදිංචි කිරීම ඉලක්ක කරගනිමින් නව ‘කුඩා නගර ව්යාපෘතිය’ ආරම්භ කිරීමට රජය පියවර ගෙන තිබේ. ඌව පළාත් ප්රධාන ලේකම් අනුෂා ගෝකුල මහත්මිය සඳහන් කළේ බදුල්ල දිස්ත්රික්කයේ භූමි ප්රමාණයෙන් 68%කට වැඩි ප්රමාණයක් නායයෑමේ අවදානම සහිත ස්ථාන ලෙස මේ වන විට හඳුනාගෙන ඇති බවයි.
ජාතික ගොඩනැගිලි පර්යේෂණ ආයතනය සහ ඌව පළාත් සභාව එක්ව සිදු කරන ලද විශේෂ විද්යාත්මක පරීක්ෂණයකින් අනතුරුව මෙම අවදානම් සහිත කලාප හඳුනාගෙන තිබේ.
මෙම වැඩපිළිවෙළ යටතේ ක්රියාත්මක වන පළමු ව්යාපෘතිය ස්ප්රින්වැලි නගරය කේන්ද්ර කරගනිමින් ආරම්භ කිරීමට නියමිත බව ද ප්රධාන ලේකම්වරිය වැඩිදුරටත් කියා සිටියාය. අවදානම් සහිත ස්ථානවල වෙසෙන පවුල්වල සුරක්ෂිතභාවය තහවුරු කරමින්, ඔවුන්ට අවශ්ය යටිතල පහසුකම් සහිතව මෙම කුඩා නගර නිර්මාණය කිරීම ව්යාපෘතියේ මූලික අරමුණ වී ඇත.
