රජය විසින් දියත් කරන ලද, ග්රාමීය දිළිඳු බව තුරන් කිරීමේ “ප්රජා ශක්ති” ජාතික වැඩසටහන අද (ජූලි 4) පස්වරු 2:00ට ජනාධිපති අනුර කුමාර දිසානායක මහතාගේ ප්රධානත්වයෙන් කොළඹ අරලියගහ මන්දිරයේදී එළිදැක්වීමට නියමිතයි.
ග්රාමීය සංවර්ධන, සමාජ ආරක්ෂණ සහ ප්රජා සවිබල ගැන්වීම පිළිබඳ අමාත්ය ආචාර්ය උපාලි පන්නිල මහතා ඊයේ පැවති මාධ්ය හමුවකදී පැවසුවේ, ග්රාමීය දිළිඳු බව තුරන් කිරීම සඳහා ඉතා සංවිධිත වැඩසටහනක් මේ වනවිට සකස් කර ඇති බවයි. මෙම වැඩසටහන ග්රාමීය සංවර්ධනය ඉලක්ක කරගත් අන්තර්කරණීය වූ වැඩපිළිවෙලක් වන අතර, සංවර්ධනය සඳහා ජනතාව සක්රීය ලෙස සම්බන්ධ කරගැනීම මෙහි ප්රධාන අරමුණයි. ගම පොහොසත් කිරීම ඉලක්ක කරගත් දැවැන්ත වැඩසටහන් මාලාවක් මේ තුළ ක්රියාත්මක වන බවද අමාත්යවරයා සඳහන් කළේය.
