ඔටිසම් තත්ත්වය සහ ස්නායු සංවර්ධන ගැටලුවලින් පෙළෙන දරුවන් වෙනුවෙන් ප්රතිකාර හා දිවා සුරැකුම් මධ්යස්ථාන පිහිටුවීම සඳහා ජාතික මට්ටමේ යාන්ත්රණයක් සකස් කිරීමේ ඒකාබද්ධ සැලසුම් යෝජනාවක් සති දෙකක් ඇතුළත ඉදිරිපත් කරන ලෙස ජනාධිපති ලේකම් ආචාර්ය නන්දික සනත් කුමානායක මහතා අදාළ නිලධාරීන්ට අද (ජූලි 10) උපදෙස් දුන්නා.
ජනාධිපති අනුර කුමාර දිසානායක මහතාගේ සංකල්පයකට අනුව ක්රියාත්මක වන මෙම වැඩසටහන පිළිබඳව ප්රජාශක්ති ලේකම් කාර්යාලයේ මෙහෙයවීමෙන් පැවති සාකච්ඡාවකදී ජනාධිපති ලේකම්වරයා මෙම උපදෙස් ලබා දුන්නා. මෙම වැඩසටහනට අදාළ රේඛීය අමාත්යාංශ සහ ආයතන මගින් ක්රියාත්මක කෙරෙන අතර, ජනාධිපති ලේකම් කාර්යාලය මගින් සම්බන්ධීකරණ කටයුතු සිදු කෙරෙනවා
