ස්වාභාවික ආපදාවෙන් ජීවිතක්ෂයට පත්වූ ජනතාවට පින් අනුමෝදන් කිරීම සහ පීඩාවට පත් ජනතාවට සෙත් පැතීමේ අරමුණින් අද (දෙසැම්බර් 04) ට යෙදෙන උඳුවප් පුන් පොහොය දින ශ්රී දළදා මාලිගාවේදී රතන සූත්ර දේශනාවක් පැවැත්වීමට නියමිතය.
මල්වතු අස්ගිරි උභය මහා විහාරයීය මහානායක හිමිවරුන් දෙනමගේ අනුශාසනා මත, මල්වතු අස්ගිරි උභය මහා විහාරයීය සියක් නමක් භික්ෂූන් වහන්සේලා ශ්රී දළදා මාලිගාවට වැඩම කරවා පස්වරු 5.00 ට මෙම රතන සූත්ර දේශනාව සිදු කරනු ලැබේ.
මල්වතු පාර්ශ්වයේ අනුනායක දිඹුල්කුඹුරේ විමලධම්ම නාහිමියෝ සහ අස්ගිරි පාර්ශ්වයේ අනුනායක නාරන්පනාවේ ආනන්ද නාහිමියෝ මේ බව ප්රකාශ කළහ.
මෙම පුණ්යකර්මයට සමගාමීව, දිවයිනේ සියලු විහාරස්ථාන කේන්ද්ර කර ගනිමින් ආගමික වැඩසටහන් ක්රියාත්මක කරන ලෙස මහානායක හිමිවරුන් දෙනමගේ මූලිකත්වයෙන් විහාරාධිපති හිමිවරුන්ට දැනුම් දී තිබේ.
