සුරාබදු බලපත්ර නිකුත් කිරීමට අදාළ මාර්ගෝපදේශ සහ කොන්දේසි සංශෝධනය කිරීම සඳහා වන 2025 අයවැය යෝජනාවක් අනුව, සුරාබදු බලපත්ර ගාස්තුවලට අදාළ නව රීති සකස් කර තිබේ.
මෙම නව රීති මගින් වාර්ෂික සුරාබදු බලපත්ර ගාස්තුව, ආරක්ෂිත ඇප තැන්පතු මුදල සහ කර්මාන්ත ප්රවේශය සඳහා එක් වරක් අය කරනු ලබන ගාස්තුව ඇතුළු සුරාබදු ආඥාපනත යටතේ වන ගාස්තු සංශෝධනය කෙරේ.
මුදල්, ක්රම සම්පාදන සහ ආර්ථික සංවර්ධන අමාත්යවරයා ලෙස ජනාධිපති අනුර කුමාර දිසානායක මහතා විසින් මෙම යෝජනාව අමාත්ය මණ්ඩලය වෙත ඉදිරිපත් කර ඇති අතර, ඊට අනුමැතිය හිමි වී තිබේ.
ඒ අනුව, (52 වන අධිකාරය වූ) සුරාබදු ආඥාපනතේ 25 වන වගන්තිය සමඟ කියවිය යුතු 32 වන වගන්තිය යටතේ සාදන ලද සුරාබදු බලපත්ර ගාස්තු සම්බන්ධයෙන් පනවා ඇති මෙම නව රීති අනුමැතිය සඳහා පාර්ලිමේන්තුව වෙත ඉදිරිපත් කිරීමට නියමිතය.
