රජය විසින් යල කන්නයේ වී අස්වනු මිලදී ගැනීම අද (ජූලි 03) සිට නිල වශයෙන් ආරම්භ කර තිබේ. ගොවීන්ට ස්ථාවර මිලක් සහතික කරමින්, කෘෂිකර්ම නියෝජ්ය අමාත්ය නාමල් කරුණාරත්න මහතා මිල ගණන් ප්රකාශයට පත් කළේය.
ඒ අනුව,
නාඩු වී කිලෝග්රෑමයක් රුපියල් 120කට
සම්බා වී කිලෝග්රෑමයක් රුපියල් 125කට
කීරි සම්බා වී කිලෝග්රෑමයක් රුපියල් 132කට මිලදී ගැනීමට නියමිතයි.
මෙවර තෙත වී සඳහා ද අවම මිලක් නියම කිරීමට රජය තීරණය කර ඇති අතර, තෙත නාඩු වී කිලෝග්රෑමයක් රුපියල් 102කට මිලදී ගැනීමට කටයුතු යොදා ඇත.වී මිලදී ගැනීම සඳහා රජය විසින් රුපියල් කෝටි 600ක මුදලක් වී අලෙවි මණ්ඩලය සතුව පවතින බව නියෝජ්ය අමාත්ය නාමල් කරුණාරත්න මහතා වැඩිදුරටත් සඳහන් කළේය.මෙම මිලදී ගැනීමේ ක්රියාවලිය කුඩා හා මධ්ය පරිමාණ මෝල් හිමියන් සම්බන්ධ කර ගනිමින් දියත් කිරීමට නියමිත බව ද ඔහු පැවසීය. මෙම පියවර මගින් ගොවීන්ට සිය අස්වැන්න සඳහා සාධාරණ මිලක් ලබා දීමටත්, දේශීය වී නිෂ්පාදනයට අත දීමටත් රජය අපේක්ෂා කරයි.
