කොළඹ ඩී. එස්. සේනානායක විද්යාලයේ අභිමානවත් 60 වැනි සංවත්සරය ලබන වසරට යෙදී තිබේ. එය නිමිත්තෙන් විද්යාලීය සංවර්ධන කටයුතු සඳහා අරමුදල් රැස්කිරීමේ අරමුණින් විශේෂ සංගීත ප්රසංගයක් සංවිධානය කර ඇත.
විද්යාලයේ 86 කණ්ඩායම (86 Batch) විසින් මෙහෙයවනු ලබන “SINGALONG WITH MARIANS” ප්රසංගය ලබන ජූලි මස 03 වැනිදා පස්වරු 7:00 ට කොළඹ 07, මේට්ලන්ඩ් හි පිහිටි ග්රෑන්ඩ් රඟහලේදී (Grand Theater) උත්කර්ෂවත් අන්දමින් පැවැත්වීමට කටයුතු සූදානම් කර තිබේ.
මේ පිළිබඳව මාධ්ය දැනුවත් කිරීම සඳහා පසුගියදා විශේෂ මාධ්ය හමුවක් පවත්වනු ලැබීය. එහිදී 86 කණ්ඩායමේ සභාපති ධම්මික වීරකෝන් මහතා ප්රකාශ කළේ මෙම ප්රසංගය හරහා රැස්කරන අරමුදල් විද්යාලයේ ඉදිරි උන්නතිය වෙනුවෙන් පූර්ණ වශයෙන් යෙදවීමට බලාපොරොත්තු වන බවයි.
මෙම මාධ්ය සාකච්ඡාව සඳහා 86 කණ්ඩායම නියෝජනය කරමින් භාණ්ඩාගාරික ජයසිරි රොහාන්, කමිටු සාමාජික උෂාන් සමරවීර, සභාපති ධම්මික වීරකෝන්, කමිටු සාමාජික හා සංගීත ප්රසංගයේ සම්බන්ධීකාරක අසාද් හසේන් සහ කමිටු සාමාජික රූමි ෆියාස් යන මහත්වරුන් සහභාගී වූහ.
