2025 වසරේ ජනවාරි 01 වැනිදා සිට මේ දක්වා කාලය තුළ වෙඩි තැබීමේ සිද්ධින් 13ක් වාර්තා වූ බව පොලීසිය පවසයි.
අද (11) පැවැති මාධ්ය හමුවකදී අදහස් දැක්වූ පොලිස් මාධ්ය ප්රකාශක ජ්යෙෂ්ඨ පොලිස් අධිකාරි කේ.බී.මනතුංග පැවසුවේ මෙම වෙඩි තැබීමේ සිදුවීම්වලින් 07ක් සංවිධානාත්මක අපරාධකරුවන් විසින් සිදුකර ඇති බවත් ඉතුරු සිදුවීම් 06 යම් යම් සිදුවීම් මත පුද්ගලිකව ඇති වූ ආරවුල් මත සිදුවූවක් බවයි.
අදාළ සංවිධානාත්මක අපරාධකරුවන් විසින් සිදුකළ වෙඩි තැබීම්වලින් පුද්ගලයින් 09දෙනෙකු ජීවිතක්ෂයට පත්ව ඇති බව පොලිස් මාධ්ය ප්රකාශකවරයා පැවසුවේය. එහිදී පුද්ගලයින් දෙදෙනෙකු ද පොලිස් අත්අඩංගුවට ගෙන තිබේ.
එමෙන්ම මෙම සිදුවීම් සම්බන්ධයෙන් මේ වනවිට පුද්ගලයින් 25 දෙනෙකු පොලිස් අත්අඩංගුවට ගෙන ඇති අතර ටී 56 ගිනිඅවි 03ක්, පිස්තෝල ගිනිඅවි 05ක්ද, පොලිස් භාරයට ගෙන තිබේ.
එමෙන්ම වැඩිදුරටත් අදහස් දක්වමින් පොලිස් මාධ්ය ප්රකාශකවරයා පැවසුවේ, මෙම ඝාතන සඳහා යොදාගත් යතුරුපැදි 04ක්ද පොලිස් භාරයට ගෙන ඇති බවයි.
