ලෝකයම බලා සිටියදී, තායිලන්තයේ බැංකොක් නුවර අද (10) පැවති 23 වන Manhunt International තරඟාවලියේදී අපේ ශ්රී ලංකාවේ පියුමාල් සිතුම් පත්තුවෙආරච්චි පළමු අනුශූරතාව දිනා ගත්තේය.
ඔහු ශ්රී ලංකාව නියෝජනය කළේ සැබෑ ශූරයකු ලෙසයි. එපමණක් නොව, කීර්තිමත් පිහිනුම් ඇඳුම් ඩිජිටල් ජයග්රාහක ශූරතාවද ඔහු සතු කර ගත්තේ මේ තරඟයේදී ඔහු සතුව තිබූ සුවිශේෂී ආකර්ෂණය සහ දක්ෂතාවය ලොවටම පෙන්වමින්.
මේ වසරේ Manhunt International 2025 කිරුළ හිමි කර ගත්තේ ප්රංශයේ ඇඩෝනිස් රෙනෝඩ්. ජැමෙයිකාවේ රයිම් රයිට් දෙවන අනුශූරතාව දිනා ගනිද්දී, පිලිපීනයේ ජෝර්දාන් සැන් ජුවාන් සහ වියට්නාමයේ වු ලින් නුයෙන් ඊළඟ ස්ථාන වලට තේරී පත් විය.
1993 දී ආරම්භ කරන ලද Manhunt International තරඟය, ලොව දීර්ඝතම හා වඩාත්ම ගෞරවනීය ජාත්යන්තර පිරිමි නිරූපණ තරඟවලින් එකක්.
