මධ්යම අධිවේගී මාර්ග ව්යාපෘතියේ ප්රමාද වී තිබෙන 1 වැනි කොටස සඳහා 2015-16 දී චීන ලෝහ විද්යාත්මක සංස්ථාව (MCC) වෙත ලබා දී ඇති සෘජු කොන්ත්රාත්තුව අවලංගු කර විවෘත, විනිවිද පෙනෙන ලංසු තැබීමේ ක්රියාවලියක් යටතේ නව ටෙන්ඩර් කැඳවන ලෙස මෙරට විශාලතම ඉදිකිරීම් සමාගම් පහක් ජනාධිපති අනුර කුමාර දිසානායකගෙන් ඉල්ලා තිබේ.
ඇක්සෙස් ඉංජිනියරින්, මාගා ඉංජිනියරින්, KDA වීරසිංහ සහ සමාගම, NEM Construction, Lanka Infrastructure Development Consortium(LIDC) සහ
International Construction Consortium (Pvt) Ltd යන සමාගම් මෙම ඉල්ලීම සිදුකර ඇත.
1 වැනි කොටසේ ඉතිරි කටයුතු දේශීය කොන්ත්රාත්කරුවන්ට ලබා දෙන්නේ නම් සැළකිව යුතු පිරිවැය අඩුවීමක් සිදුවනු ඇතැයි LIDC සමාගම අවධාරණය කරයි.
එම සමාගම පෙන්වා දෙන්නේ පවතින ගනුදෙනුව යටතේ කිලෝමීටරයකට මිල අමෙරිකානු ඩොලර් මිලියන 33ක් පමණ වූ බවයි.
කෙසේවෙතත්, 2 වැනි කොටස දේශීය සමාගම් විසින් වැයකර ඇත්තේ කිලෝමීටරයකට අමෙරිකානු ඩොලර් මිලියන 18ක පමණ මුදලකි.
LIDC සමාගම විසින් ජනාධිපතිවරයාට ලිපියක් යොමු කර ඇත්තේ වසර ගණනාවක් ප්රමාද වූ, පසුව අත්හිටුවන ලද 1 වැනි කොටසේ ‘ඉතිරි තීරණාත්මක වැඩ’ සම්පූර්ණ කිරීම සඳහා චීන MCC ය වෙත දේශීය අරමුදල්වලින් රුපියල් බිලියන 7.5කට ආසන්න මුදලක් ලබා දීමට කැබිනට් මණ්ඩලය අනුමත කිරීමේ පසුබිමකය.
නව පරිපාලනයේ තීරණය පසුගිය වසරේ දෙසැම්බර් 18 වැනි දින ගනු ලැබූ නමුත් එය ප්රසිද්ධියට පත් නොකෙරිණි.
2024 සැප්තැම්බර් මාසයේ පැවති ජනාධිපතිවරණයට දින කිහිපයකට පෙර රනිල් වික්රමසිංහ රජය විසින් මෙම මුදල MCC වෙත ගෙවීමට ගත් එහෙත් ප්රකාශයට පත් නොකළ පෙර තීරණයක් සනාථ කිරීමකි.
කඩවත-මිරිගම කිලෝමීටර් 37ක කොටස, මධ්යම අධිවේගී මාර්ගයේ පළමු කොටස වූ නමුත් වසර නවයකට පසුවත් එය නිම කිරීමට ආසන්න වී හෝ නොමැත.
මීරිගම සිට කුරුණෑගල දක්වා 2 වැනි කොටස 2022 ජනවාරි මාසයේදී විවෘත කරන ලදී.
දේශීය කොන්ත්රාත්කරුවන් විසින් දේශීය බැංකු හරහා සිදු කිරීමට නියමිත කාර්යයට අරමුදල් සැපයීම අමෙරිකානු ඩොලර් මිලියන 300ක පමණ සැළකිව යුතු පිරිවැය අඩු කිරීමට හේතු වන බව LIDC සමාගම පවසයි.
මෙය සෘජු ආර්ථික ප්රතිලාභ ද ඇති කරන අතර එමගින් සියලුම මුදල් පාහේ දේශීය මූල්ය හා බැංකු පද්ධති තුළ ඉතිරි වේ.
LIDC සමාගම විසින් පුරෝකථනය කරන්නේ දේශීය කොන්ත්රාත්කරුවන්ට මාස 24ක් ඇතුළත 1 වැනි කොටස අවසන් කළ හැකි බවටයි.
