ආරක්ෂක කටයුතු පිළිබඳ අමාත්යාංශයීය උපදේශක කාරක සභාව අද (17) පාර්ලිමේන්තුවේදී රැස්වූයේ ආරක්ෂක අමාත්යවරයා ද වන ජනාධිපති අනුර කුමාර දිසානායක මහතාගේ සභාපතීත්වයෙන්.
මෙම අවස්ථාවට ආරක්ෂක නියෝජ්ය අමාත්ය මේජර් ජෙනරාල් (විශ්රාමික) අරුණ ජයසේකර, ආරක්ෂක අමාත්යාංශයේ ලේකම් එයාර් වයිස් මාර්ෂල් (විශ්රාමික) සම්පත් තුයියකොන්ත, ත්රිවිධ හමුදාපතිවරුන් ඇතුළු ආරක්ෂක අමාත්යාංශය නියෝජනය කරන නිලධාරීන් පිරිසක් සහභාගී වී සිටි බව ශ්රී ලංකා පාර්ලිමේන්තුව නිවේදනය කළා.
මෙහිදී පාර්ලිමේන්තු මන්ත්රීවරුන් විසින් නීති විරෝධී ධීවර කටයුතු නැවැත්වීම සඳහා නාවික හමුදාවේ සහය ලබා ගැනීම, උතුරු නැගෙනහිර ඉඩම් නිදහස් කිරීම සම්බන්ධ ගැටලු ඇතුළු ආරක්ෂක අමාත්යාංශයට අදාළ විවිධ ගැටලු කාරක සභාවේ අවධානයට යොමු කර තිබෙනවා.
ඉදිරිපත් වූ කරුණු සලකා බැලූ ජනාධිපතිවරයා, සාධාරණ ඉල්ලීම් පිළිබඳව අවශ්ය පියවර ගැනීමට අදාළ නිලධාරීන්ට උපදෙස් ලබා දුන් බවයි වාර්තා වන්නේ
