ශ්රී ලංකා විදුලිබල මණ්ඩලයේ සේවකයන් 4536ක විශාල පුරප්පාඩුවක් පවතින බව එම මණ්ඩලය තොරතුරු දැනගැනීමේ පනත යටතේ ලබා දී ඇති පිළිතුරක සඳහන් වේ.
විදුලිබල මණ්ඩල ආරංචි මාර්ග පෙන්වා දෙන්නේ, මෙම සේවක පුරප්පාඩු හේතුවෙන් මණ්ඩලයේ දෛනික කටයුතුවලට විශාල බාධාවක් එල්ල වී ඇති බවයි. කළමනාකරණ සේවා දෙපාර්තමේන්තුව විසින් විදුලිබල මණ්ඩලයට අනුමත කර ඇති මුළු සේවක සංඛ්යාව 26,783ක් වන අතර, දැනට සේවයේ නියුතු සේවකයන් සංඛ්යාව 22,247ක් පමණක් බව වාර්තා වේ.
මෙම සේවක හිඟය, විදුලිබල සැපයුමේ කාර්යක්ෂමතාවට සහ නඩත්තු කටයුතුවලට සෘජුවම බලපාන බව විශ්වාස කෙරේ.
