ශ්රී ලංකා පාසල් ක්රිකට් සංගමය සංවිධානය කරන තරගාවලි සියල්ල දින නියමයකින් තොරව කල් දැමීමට එම සංගමය පෙරේදා (දෙසැම්බර් 01) තීරණය කර ඇත.
ඒ අනුව, මේ දිනවල පැවැත්වෙමින් තිබූ වයස් කාණ්ඩ 2ක, බාලක සහ බාලිකා තරගාවලි 11ක් නැවත දැනුම් දෙන තුරු නවතා දමා තිබේ.
කල් දැමූ තරගාවලි:
වයස අවුරුදු 13න් පහළ බාලක: පළමු සහ දෙවැනි කාණ්ඩවල අවසන් 16 දෙනාගේ වටයේ තරග සහ තෙවැනි කාණ්ඩයේ පළමු වටයේ තරග ඇතුළත් තරගාවලි 3ක්.
වයස අවුරුදු 19න් පහළ බාලක: මූලික වටයේ තරග පැවැත්වෙමින් තිබූ පළමු, දෙවැනි සහ තෙවැනි කාණ්ඩවල ‘ඒ’ සහ ‘බී’ කොටසේ දෙදින සහ සීමිත පන්දුවාර තරගාවලි 6ක්.
වයස අවුරුදු 19න් පහළ බාලිකා: මූලික වටයේ තරග පැවැත්වෙමින් තිබූ පළමු සහ දෙවැනි කාණ්ඩවල සීමිත පන්දුවාර තරගාවලි 2ක්
