ගම්පහ ප්රදේශ රැසකට ජූනි මස 11 වන දින පැය 10ක ජල කප්පාදුවක් සිදුකිරීමට නියමිත බව ජාතික ජල සම්පාදන හා ජලාපවහන මණ්ඩලය දැනුම් දෙයි. ඒ අනුව එදින උදෑසන 8.30 සිට පස්වරු 6.30 දක්වා ජල කප්පාදුව සිදුකෙරේ.
පෑලියගොඩ, වත්තල, ජාඇළ, සීදුව නගර සභා බලප්රදේශ, කැලණිය, වත්තල, බියගම, මහර, දොම්පේ, ජාඇළ, කටාන, මිනුවන්ගොඩ ප්රාදේශීය සභා බලප්රදේශය සහ ගම්පහ ප්රාදේශීය සභා බලප්රදේශයේ කොටසකට මෙම ජල කප්පාදුව බලපානු ඇත.
බියගම ජල පවිත්රාගාරයේ ස්ථාපිත සූර්යබල විදුලි පද්ධතිය ප්රධාන පද්ධතිය හා සම්බන්ධ කිරීම් වැඩිදියුණු කිරීම හේතුවෙන් මෙලෙස ජලසැපයුම අත්හිටුවා තිබේ. මෙම අපහසුතාවය අවම කර ගැනීම සඳහා කල්තියා ජලය රැස්කර තබා ගන්නා ලෙස ජල සම්පාදන මණ්ඩලය මහජනතාවගෙන් ඉල්ලා සිටියි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
