ශ්රී ලංකා රේගුව මෙම වසරේ ගතවූ මාස 06 ක කාලය තුළ රුපියල් ට්රිලියනය (බිලියන 1000) ඉක්මවූ ආදායමක් උපයා ඇති බව රේගු මාධ්ය ප්රකාශක සීවලී අරුක්ගොඩ මහතා පවසනවා.
මාධ්ය හමුවකට එක්වෙමින් ඒ මහතා සඳහන් කළේ, මෙම වසරේදී රජය විසින් ලබාදුන් ආදායම් ඉලක්කය වන බිලියන 2115 සීමාව පසුකර යෑමට හැකිවනු ඇතැයි අපේක්ෂා කරන බවයි.
මෙම සුවිශේෂී සාර්ථකත්වයට හේතුව ලෙස අරුක්ගොඩ මහතා පෙන්වා දුන්නේ, ශ්රී ලංකා රේගුව තුළ ක්රියාත්මක වූ ආදායම් එකතු කර ගැනීමේ ක්රමවේදය ප්රතිව්යුහගත කිරීමයි. එමගින් කාර්යක්ෂමතාව ඉහළ නැංවීමට සහ ආදායම් ඉපැයීම වැඩි කිරීමට හැකිවූ බව ඔහු වැඩිදුරටත් ප්රකාශ කළා.
