මෙක්සිකානු ජනාධිපතිනී ක්ලවුඩියා ෂෙයින්-බවුම් මහත්මිය, ප්රසිද්ධියේ තමාට මුහුණ දීමට සිදු වූ ලිංගික හිංසනයක් සම්බන්ධයෙන් එරට පොලීසිය හමුවේ පැමිණිල්ලක් ගොනු කර තිබේ.
පෙරේදා (නොවැම්බර් 04) දින ජනාධිපති මන්දිරයේ සිට අධ්යාපන අමාත්යාංශය දක්වා පා ගමනින් ගමන් කරමින් සිටියදී, මාර්ගයේ රැස්ව සිටි පුද්ගලයින් සමඟ කතා බහක නිරතව සිටින අවස්ථාවේදී මෙම සිදුවීම වී ඇත.
එහිදී ඇගේ පිටුපසින් පැමිණි පුද්ගලයෙකු ජනාධිපතිනිය ස්පර්ශ කර ඇයව සිපගැනීමට උත්සහ කරන දර්ශන මේ වන විට සමාජ මාධ්ය ඔස්සේ සංසරණය වේ. රැස්ව සිටි අනෙක් කාන්තාවන්ටද අදාළ පුද්ගලයාගෙන් හිරිහැර වී ඇති බව අනාවරණය වීම හේතුවෙන් පොලීසියට පැමිණිලි කළ බව ජනාධිපතිනිය ප්රකාශ කළාය.
රටේ පළමු පුරවැසියා ප්රසිද්ධියේ එලෙස හිරිහැරයට ලක්වන්නේ නම්, රටේ අනෙක් කාන්තාවන්ගේ ආරක්ෂාව පිළිබඳව ඇත්තේ ඉතාම ශෝකජනක තත්ත්වයක් බව ජනාධිපතිනිය පෙන්වා දෙනු ලබයි.
ලිංගික හිරිහැර කිරීම් සහ ලිංගික හිංසන, රට පුරා අපරාධමය වරදක් බවට පත්කළ යුතු බවද මෙක්සිකානු ජනාධිපතිනිය පවසයි. එක්සත් ජාතීන්ගේ සංවිධානයේ දත්තවලට අනුව, මෙක්සිකෝවේ වයස අවුරුදු 15ට වැඩි කාන්තාවන්ගෙන් සියයට 70ක් පමණ තම ජීවිතයේ අවම වශයෙන් එක් අවස්ථාවකදී ලිංගික හිරිහැර වලට මුහුණ දී තිබේ.
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-2.png)
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-1.png)
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
