අධිකරණ ඇමැති හර්ෂණ නානායක්කාරගේ නම ඉදිරියෙන් ‘ආචාර්ය’ ලෙස පාර්ලිමේන්තු වෙබ් අඩවියේ වැරදි ලෙස සටහන් කිරීමට හේතුවී ඇත්තේ සභානායක බිමල් රත්නායකගේ කාර්යාලයෙන් ලබාදුන් ලේඛනයක් මත බවට මූලික විමර්ශනවලින් පෙනීගොස් ඇතැයි සමගි ජන බලවේගයේ පාර්ලිමේන්තු මන්ත්රී නලින් බණ්ඩාර පවසයි.
ජනමාධ්ය හමුවකදී අදහස් දක්වමින් බණ්ඩාර කියා සිටියේ රජය විසින් මීට පෙර කරන ලද ප්රකාශයන් පාර්ලිමේන්තු නිලධාරීන් සම්බන්ධ දේශපාලන කුමන්ත්රණයක් පිළිබඳ අදහසක් මතුකළ බවයි.
“මෙය පාර්ලිමේන්තු නිලධාරීන්ගේ කුමන්ත්රණයක් ලෙස හුවා දක්වන්න උත්සාහ කළා. නමුත් එම ලියවිල්ල සභානායක කාර්යාලයෙන් ආරම්භ වූවක් බව දැන් පැහැදිලියි. ඔවුන් දැන් මොනවද කියන්නේ? ” යනුවෙන් බණ්ඩාර මන්ත්රීවරයා ප්රශ්න කළේය.
මෙම සොයාගැනීම් අනුව කාරණය පැහැදිලි කරන ලෙස ඔහු නානායක්කාර ඇමැතිවරයාගෙන් ඉල්ලා සිටියේය.
තමාට පක්ෂ අනුමැතිය අවශ්ය බව පවසමින් අධිකරණ ඇමැතිවරයා සම්මුඛ සාකච්ඡා ප්රතික්ෂේප කළ බවටද බණ්ඩාර මන්ත්රීවරයා චෝදනා කළේය.
ජනතා විමුක්ති පෙරමුණේ ප්රධාන ලේකම් ටිල්වින් සිල්වා පක්ෂ සාමාජිකයන්ට තම අනුමැතියකින් තොරව මාධ්ය වෙත අදහස් දැක්වීම තහනම් කර ඇති බව බණ්ඩාර මන්ත්රීවරයා වැඩිදුරටත් ප්රකාශ කළේය.
“මේකට හේතුව මැති ඇමැතිවරුන් නොසැළකිලිමත් ලෙස ක්රියා කරන බව ඔහු දන්නා නිසා” යැයි කී බණ්ඩාර මන්ත්රීවරයා, මෙම සිදුවීම මගින් රජයේ දුර්වල බව පිළිබිඹු වන බව ද සඳහන් කළේය.
