නුවරඑළිය දිස්ත්රික්කයේ වාරිමාර්ගවලට සිදුව තිබෙන හානිය සහ ඊට ගත යුතු කඩිනම් ක්රියාමාර්ග ගැනීම සම්බන්ධයෙන් ජනාධිපති අනුර කුමාර දිසානායක මහතාගේ ප්රධානත්වයෙන් අද (08) පෙරවරුවේ නුවරඑළිය දිස්ත්රික් ලේකම් කාර්යාලයේදී දිස්ත්රික් සම්බන්ධීකරණ කමිටු රැස්වීමක් පැවැත්විණි.
- අයහපත් කාලගුණය හේතුවෙන් කොත්මලේ ජලාශය සම්බන්ධව රට තුළ පැනනැඟුණු විවිධ මත පිළිබඳව මෙහිදී ජනාධිපතිවරයා අදාළ නිලධාරීන්ගෙන් කරුණු විමසූ බව ජනාධිපති මාධ්ය අංශය පවසයි.
- නිලධාරීන් පෙන්වා දුන්නේ, පසුගිය 27 වැනිදා කොත්මලේ ජලාශයට ඉතිහාසයේ වැඩිම ජල ප්රමාණයක් ලැබුණු බවත්, එම නිසා වේල්ල ආරක්ෂා කර ගැනීමේ අරමුණින් සාම්ප්රදායික ක්රමයට අනුව විද්යාත්මක ලෙස වාන් දොරටු විවෘත කළ බවත් ය.
නුවරඑළිය දිස්ත්රික්කයේ කුඹුරු අක්කර 4,700කට හානි සිදුව තිබෙන බව නිලධාරීහු පෙන්වා දුන්හ. කෙසේ වෙතත්, අක්කර 500ක් හැර සෙසු කුඹුරු මහ කන්නය වගා කළ හැකි බව ද සඳහන් විය.
ග්රෙගරි වැව සම්බන්ධයෙන් වැදගත් උපදෙස් ලබා දුන් ජනාධිපතිවරයා, එහි අධීක්ෂණය සහ තාක්ෂණික සේවාවන් වාරිමාර්ග දෙපාර්තමේන්තුවට පවරා, ආර්ථික ක්රියාකාරකම් නගර සභාව සමඟ ගිවිසුමකට එළැඹෙන ලෙස නිලධාරීන්ට උපදෙස් දුන්නේය.
