දිවයිනට බලපෑ අයහපත් කාලගුණය හේතුවෙන් කෘෂිකර්ම, පශු සම්පත් සහ වාරිමාර්ග ක්ෂේත්රයට සිදුව ඇති හානිය සහ ඒ හමුවේ ගත යුතු කඩිනම් පියවර පිළිබඳ සොයා බැලීමේ සාකච්ඡාවක් ජනාධිපති අනුර කුමාර දිසානායක මහතාගේ ප්රධානත්වයෙන් ජනාධිපති ලේකම් කාර්යාලයේදී පැවැත්විණි.
කෘෂිකර්ම අමාත්යාංශයේ සහ මුදල් අමාත්යාංශයේ නිලධාරීන්ගේ සහභාගීත්වයෙන් මෙම සාකච්ඡාව පැවැත්විණි.
සාකච්ඡාවට ලක් වූ ප්රධාන කරුණු:
වගා හානි සහ වන්දි: වී, බඩඉරිඟු, ධාන්ය සහ එළවළු වගාවන්ට සිදුව ඇති හානිය සම්බන්ධව පවතින සංඛ්යා දත්ත සහ අදාළ ගොවීන්ට වන්දි ලබා දීමේ කටයුතු කඩිනමින් ආරම්භ කිරීම පිළිබඳව සාකච්ඡා විය.
වාරිමාර්ග පද්ධති: වාරිමාර්ග පද්ධතියට සිදුව ඇති හානිය ගණනය කොට එය කඩිනමින් යථා තත්ත්වයට පත් කිරීමට කටයුතු කිරීමේ අවශ්යතාව ජනාධිපතිවරයා පෙන්වා දුන් අතර, ඊට අදාළ සැලසුම් සකස් කරන ලෙස නිලධාරීන්ට උපදෙස් දුන්නේය.
පශු සම්පත්: පශු සම්පත් ක්ෂේත්රයට සිදුව ඇති බලපෑම පිළිබඳව ද අවධානය යොමු විය.
කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ. ඩී. ලාල් කාන්ත ඇතුළු අමාත්යාංශ ලේකම්වරුන් සහ දෙපාර්තමේන්තු ප්රධානීහු රැසක් මෙම සාකච්ඡාවට එක්ව සිටියහ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
