කරන්දෙනිය පොලිස් වසමට අයත් 3 කණුව ප්රදේශයේ සිදුකළ විශේෂ වැටලීමකදී නිවසක් තුළ සඟවා තිබූ අයිස් මත්ද්රව්ය තොගයක් සොයා ගැනීමට පොලීසිය සමත්ව තිබේ. ඇල්පිටිය කොට්ඨාස දූෂණ මර්දන අංශයේ නිලධාරීන්ට ලැබුණු විශේෂ බුද්ධි තොරතුරකට අනුව මෙම වැටලීම ක්රියාත්මක කර ඇත.
අදාළ මත්ද්රව්ය තොගය ළඟ තබාගෙන සිටි සැකකරුවෙකු ද පොලිස් නිලධාරීන් විසින් එම ස්ථානයේදීම අත්අඩංගුවට ගෙන තිබේ. මෙලෙස අත්අඩංගුවට පත්ව ඇත්තේ කරන්දෙනිය ප්රදේශයේ පදිංචි වයස අවුරුදු 39ක් වන වීරේ නමැති අන්වර්ථ නාමයෙන් හඳුන්වන පුද්ගලයෙකු බව පොලීසිය අනාවරණය කළේය.
පොලිස් භාරයට ගත් අයිස් මත්ද්රව්ය තොගයේ නිශ්චිත ප්රමාණය සහ එහි වෙළෙඳපොළ වටිනාකම කොතෙක්ද යන්න පිළිබඳව මේ වන විට ගණනය කරමින් පවතින බව පොලිස් මාධ්ය කොට්ඨාසය සඳහන් කරයි. සැකකරුගෙන් සිදුකරන වැඩිදුර ප්රශ්න කිරීම් හරහා මෙම මත්ද්රව්ය ජාලයේ සෙසු සාමාජිකයන් අනාවරණය කර ගැනීමට ද පොලීසිය බලාපොරොත්තු වේ.
අත්අඩංගුවට ගත් සැකකරු අධිකරණයට ඉදිරිපත් කිරීමට නියමිත අතර, ප්රදේශයේ ක්රියාත්මක වන මත්ද්රව්ය ජාවාරම් මැඩලීම සඳහා වැටලීම් තවදුරටත් දැඩි කර ඇති බව ආරක්ෂක අංශ පවසයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
