රජය විසින් සියලු දුර ගමන් බස් රථ ධාවනය ආරම්භයට පෙර මූලික තත්ත්ව පරීක්ෂණයක් අනිවාර්ය කිරීමේ පියවර ගෙන තිබේ.
ලබන මස මුල සිට ක්රියාත්මක කිරීමට නියමිත මෙම ක්රියාවලිය, මුල් අදියරේදී කොළඹ බැස්ටියන් මාවත සහ මාකුඹුර බහුවිධ ප්රවාහන මධ්යස්ථානය මූලික කරගෙන ජාතික ගමනාගමන කොමිසමේ අධීක්ෂණය යටතේ පවත්වා ගැනීමට සැලසුම් කර ඇත.
මෙම නව නියමය යටතේ දුර ගමන් විනෝද චාරිකා බස් රථද අනිවාර්යයෙන්ම පරීක්ෂා කර යෝග්යතා සහතිකයක් ලබාගත යුතු අතර, එම සහතිකය නොමැතිව කිසිදු බස් රථයකට ගමනක් ආරම්භ කළ නොහැකි වේ.
කිලෝමීටර් 100ට වැඩි දුර ගමන් කිරීමට නියමිත බස් රථ සඳහා ධාවනය ආරම්භ කිරීමට පැය 48කට පෙර යෝග්යතා සහතිකය ලබාගැනීම අත්යවශ්ය බවත් සඳහන්ය.
මෙම ක්රියාවලියට අදාළ උපදෙස් සහ විධාන මෝටර් රථ ප්රවාහන දෙපාර්තමේන්තුව විසින් විශේෂ චක්රලේඛයක් මගින් නිකුත් කිරීමට ද මේ වනවිට කටයුතු සිදුකර තිබේ.
ඉදිරියේදී දිවයින පුරාම ක්රියාත්මක කිරීම සඳහා රථවාහන අලුත්වැඩියා සිදුකරන අනුමත ස්ථාන මගින්ද පරීක්ෂාවන් සිදුකර යෝග්යතා සහතික නිකුත් කිරීමට බලය ලබාදෙන බව වාර්තා වේ.
