නීතිවිරෝධීව එකලස් කරන ලද මෝටර් රථයක් භාවිත කිරීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටින හිටපු රාජ්ය අමාත්ය ලොහාන් රත්වත්තේ හා ඔහුගේ බිරිඳගේ ඇප ඉල්ලීම නුගේගොඩ මහෙස්ත්රාත් අධිකරණය අද යළිත් වරක් ප්රතික්ෂේප කළේය.
ඒ අනුව හිටපු රාජ්ය අමාත්යවරයා දෙසැම්බර් 02 වනදා දක්වාත් ඔහුගේ බිරිය නොවැම්බර් 22 වනදා දක්වාත් තවදුරටත් රක්ෂිත බන්ධනාගාර ගත කෙරුණි
හිටපු රාජ්ය අමාත්ය ලොහාන් රත්වත්ත මහතාගේ බිරිඳ වන ශෂී ප්රභා රත්වත්තේ මහත්මියට අයත් මිරිහාන ඇඹුල්දෙණිය සාලාව පාරේ තෙමහල් නිවසක අංක තහඩු නොමැති සුඛෝපභෝගී මෝටර් රථයක් ගාල්කර තිබියදී පසුගියදා සොයාගැනුණි.
ඒ අනුව මිරිහාන පොලිසිය අදාළ රථය සම්බන්ධයේන සිදුකළ විමර්ශනවලදී අනාවරණ වී තිබුණේ එය නීතිවිරෝධීව එකලස් කරන ලද මෝටර් රථයක් බවයි.
එම මෝටර් රථය භාවිත කිරීමේ චෝදනාවට පසුගිය ඔක්තෝබර් 30 වනදා ලොහාන් රත්වත්තේ මහතාව කටුගස්තොටදී, මිරිහාන පොලිසිය මගින් අත්අඩංගුවට ගෙන අධිකරණයට ඉදිරිපත් කිරීමෙන් පසු නොවැම්බර් 7 වනදා දක්වා රක්ෂිත බන්ධනාගාර ගතකළේය.
එවන් පසුබිමක රත්වත්තේ මහතාගේ බිරියවන ශෂි ප්රභා රත්වත්තේ මහත්මියද නොවැම්බර් 4 වනදා අත්අඩංගුවට ගත් අතර, අදාළ මෝටර් රථය සම්බන්ධයෙන් ඇය දැනුවත් භාවයකින් පසු වී ඇතැයි විමර්ශනවල ප්රගතිය ගැන කරුණු දක්වමින් මිරිහාන පොලිසිය අධිකරණය හමුවේ ප්රකාශ කිරීමෙන් පසු කරුණු සලකා බැලූ අධිකරණය සැකකාර රත්වත්තේ මහත්මිය නොවැම්බර් 07 වනදා දක්වා රක්ෂිත බන්ධනාගාර ගත කිරීමට නියෝග කළේය.
අනතුරුව නොවැම්බර් 07වැනිදා සැකකරුවන් නුගේගොඩ මහේස්ත්රාත් හමුවට ඉදිරිපත් කළ අවස්ථාවේදී සැකකරුවන් වෙනුවෙන් කළ ඇප ඉල්ලීම ප්රතික්ෂේප කළ මහෙස්ත්රාත්වරිය නියෝග කළේ, සැකකරුවන් අද දක්වා බන්ධනාගාර ගත කරන ලෙසයි .
ඒ අනුව සැකකරුවන් අද පෙරවරුවේ නුගේගොඩ අධිකරණයට ඉදිරිපත් කෙරුණි.
එහිදී සැකකරුවන් වෙනුවෙන් මහේස්ත්රාත්වරිය ඉදිරියේ කරුණු දැක්වූ නීතීඥවරුන් කියා සිටියේ සිය සේවාදායකයින්ට එරෙහිව ගොනුකර ඇත්තේ මෝටර් රථ වානහ පනතේ වැරදි පමණක් වන බැවින් එම චෝදනාවලට ඇප ලබාදිය හැකි බැවින් ඕනෑම ඇප කොන්දේසියක් යටතේ මුදාහරින ලෙසයි.
කෙසේ වෙතත් සැකකරුවන් වෙනුවෙන් කළ ඇප ඉල්ලීම ප්රතික්ෂේප කළ නුගේගොඩ මහෙස්ත්රාත්වරිය සැකකාර හිටපු රාජ්ය අමාත්ය ලොහාන් රත්වත්තේ මහතා දෙසැම්බර් 02 වනදා දක්වාද සැකකාර ශෂි ප්රභා රත්වත්තේ නොවැම්බර් 22 දක්වා තවදුරටත් රක්ෂිත බන්ධානාගාර ගත කිරීමට නියෝග කළාය.
