කොළඹ නෙළුම් කුලුන පරිශ්රයේ වෙඩි තැබීමක් සිදුව ඇති බව පොලීසිය පවසනවා.
ඊයේ (08) රාත්රියේ මෙම වෙඩි තැබීම සිදුව ඇති අතර ඉන් එක් පුද්ගලයෙක් තුවාල ලබා රෝහල් ගතකර ඇති බවයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව සඳහන් කළේ.
නෙළුම් කුලුන පරිශ්රයේ සංවිධානය කර තිබූ සංගීත සංදර්ශනයක් අතර තුර මෙම වෙඩි තැබීම සිදුකර ඇති බවයි වාර්තා වන්නේ.
සංගීත සංදර්ශනයේ ආරක්ෂාවට යොදවා සිටි වයස අවුරුදු 29ක පුද්ගලයෙක්ට මෙලෙස වෙඩි තබා ඇති අතර, වෙඩි තැබීම සිදුකළ අය සම්බන්ධයෙන් මෙතෙක් තොරතුරු අනාවරණය වී නොමැති බවයි මාධ්ය ප්රකාශකවරයා වැඩිදුරටත් පැවසුවේ.
පෞද්ගලික කාරණාවක් මත මෙම වෙඩි තැබීම සිදුකර ඇති බව දැනට සිදුකළ විමර්ශනවල දී අනාවරණය වී ඇති බවයි පොලිස් මාධ්ය ප්රකාශකවරයා සඳහන් කළේ
