ශ්රී ලංකාවේ සංචාරක ආකර්ෂණයක් ඉලක්ක කරගනිමින් ත්රස්ත ප්රහාරයක් එල්ල කිරීමේ සැලසුමක් සම්බන්ධයෙන් ලද බුද්ධි තොරතුරකට අනුව සිදුකළ විමර්ශනවලට අදාළව අත්අඩංගුවට ගත් සැකකරුවන් දෙදෙනෙකු අත්අඩංගුවට ගැනීමට නියමිත බව ත්රස්ත විමර්ශන කොට්ඨාශය (TID) කොළඹ මහේස්ත්රාත් අධිකරණයට දැනුම් දී තිබෙනවා.
විමර්ශනවල ප්රගතිය සම්බන්ධයෙන් ඉතා රහසිගත වාර්තාවක් ද විමර්ශන නිලධාරීන් අද (29) කොළඹ අතිරේක මහේස්ත්රාත් පසන් අමරසේන මහතා වෙත ඉදිරිපත් කර තිබේ.
ඉදිරිපත් වූ කරුණු සලකා බැලූ අතිරේක මහේස්ත්රාත්වරයා විමර්ශනවල ඉදිරි ප්රගතිය අධිකරණයට වාර්තා කරන ලෙස ත්රස්ත විමර්ශන කොට්ඨාසයට නියෝග කළේය.
ඔක්තෝබර් 23 වැනි දින ඊශ්රායල ජාතික ආරක්ෂක කවුන්සිලය ඊශ්රායල පුරවැසියන්ට දකුණු ශ්රී ලංකාවේ ජනප්රිය සංචාරක ප්රදේශවලින් වහාම ඉවත් වන ලෙස හදිසි අනතුරු ඇඟවීමක් කර තිබූ අතර, ආරුගම් බොක්ක ප්රදේශය සිව්වන මට්ටමේ තර්ජනයක් ලෙස වර්ගීකරණය කර, ඔවුන්ගේ යුදෙව්වන් සඟවා තැබීම වැනි පූර්වාරක්ෂාවන් ගන්නා ලෙස ඊශ්රායලයින්ට උපදෙස් දී ඇත.
ශ්රී ලංකාවේ අනෙකුත් ප්රදේශවල සිටින ඊශ්රායල වැසියන්ට ප්රවේශම් වන ලෙසත් විශාල මහජන රැස්වීම් පැවැත්වීමෙන් වළකින ලෙසත් එය උපදෙස් දී තිබෙනවා.
රුසියානු තානාපති කාර්යාලය සහ එක්සත් රාජධානිය සිය පුරවැසියන්ට සමාන අනතුරු ඇඟවීමක් නිකුත් කළ අතර, සුපරීක්ෂාකාරීව සිටින ලෙසත් විශාල රැස්වීම්වලින් වළකින ලෙසත් ඉල්ලා සිටියේය.
අනතුරුව ආරුගම් බොක්ක ඇතුළු දිවයින පුරා සංචාරකයන් බහුලව ගැවසෙන ස්ථානවල ආරක්ෂාව තර කර ඇති අතර, සිද්ධියට අදාළ පරීක්ෂණවලට අදාළව ශ්රී ලංකා පොලිසිය මේ වන විට පුද්ගලයින් තිදෙනෙකු අත්අඩංගුවට ගෙන තිබෙනවා.
