කොළඹ 07 පිහිටි ඇමැති නිල නිවාස 34 න් 29 ක යතුරු රාජ්ය පරිපාලන අමාත්යාංශයට මෙතෙක් භාරදී නැති අතර, එම නිල නිවාසවල තිබෙන භාණ්ඩ මොනවාදැයි යන්න සම්බන්ධව කිසිදු තොරතුරක් එම අමාත්යාංශය සතුව නොමැති බවට තොරතුරු අනාවරණය වේ.
රාජ්ය පරිපාලන අමාත්යාංශය යටතේ පාලනය වන මෙම නිල නිවාස පිහිටි ඉඩම් අක්කර භාගයත් අක්කරයත් අතර භූමි ප්රමාණවලින් යුක්තය.
මෙතෙක් මෙම නිල නිවාසවල සිටි ඇමැතිවරුන් කර ඇත්තේ අදාළ යතුරු රාජ්ය පරිපාලන අමාත්යාංශයට බාර නොදී එම නිල නිවාසයට ඊළඟට එන ඇමැතිවරයාට බාරදීම බව පැවසේ.
මෙම නිල නිවාසවල පදිංචි ඇමැතිවරුන්, නිල නිවාසයට අවශ්ය භාණ්ඩ තමන් ඇමැති ධුරය දරන අමාත්යාංශය හරහා මිලදී ගෙන ඇති අතර, මෙලෙස මිලදී ගත් භාණ්ඩ කොපමණ ප්රමාණයක් එම නිල නිවාසවල තිබෙනවාද යන්න පිළිබඳවත් තොරතුරු රාජ්ය පරිපාලන අමාත්යාංශය සතුව නැතැයි අනාවරණය විය.
