වප් පුර පසළොස්වක පොහොය දිනය යෙදෙන අද (17) දා බෙන්තොට ප්රදේශයේ නිවසකට එක් රැස්වී මත්ද්රව්ය භාවිත කරමින් මිතුරු සාදයක් පවත්වමින් සිටි 12 දෙනෙකු අත්අඩංගුවට ගෙන ඇත.
ඒ අතර කාන්තාවකද වන බවයි බෙන්තොට පොලීසිය සඳහන් කළ අතර,
කළුතර, බෙන්තොට සහ අලුත්ගම යන ප්රදේශවල පදිංචි ඔවුන් වයස අවුරුදු 25 ත් 40 ත් අතර පසුවන අය වේ.
ඒ පොලීසියට ලද තොරතුරක් අනුව අද (17) දා දහවල් සිදුකළ වැටලීමකදී මෙම පිරිස අත් අඩංගුවට ගෙන තිබේ.
ඒ වන විටත් ඔවුන් අයිස්, ගංජා, පීල් සහ මැන්ඩි නැමති මත්ද්රව්ය වර්ග භාවිත කරමින් සිටි බවයි පොලීසිය සඳහන් කළේ.
දුරකතන ඇමතුම් මඟින් එකිනෙකා හා සම්බන්ධ වෙමින් බෙන්තොට ප්රදේශයේ නිවසකට එක්වී ඇති ඔවුන් මෙලෙස විවිධ මත්ද්රව්ය වර්ග භාවිත කරමින් සාදයක් පවත්වා ඇති අතර,
අත්අඩංගුවට පත් අදාළ සැකකරුවන් බලපිටිය මහේස්ත්රාත්වරයා වෙත ඉදිරිපත් කිරීමට නියමිතය.
