සෞඛ්ය අමාත්යාංශයේ පාලනය වෘත්තීය සමිති වෙත ලබා දීමෙන් අර්බුදය තවදුරටත් උග්ර වී ඇතැයි සෞඛ්ය වෘත්තීයවේදීන්ගේ විද්වත් සංගමය පවසයි.
බාල ඖෂධ ගෙන්වීම් ඇතුළු අකටයුතුකම් රැසකට වගකිව යුතු පුද්ගලයන් හා නිලධාරීන් තවදුරටත් සෞඛ්ය කමිටුවලට පත් කිරීමෙන් සෞඛ්ය ක්ෂේත්රයේ වෙනසක් අපේක්ෂා කළ නොහැකි බව එම සංගමයේ සභාපති රවි කුමුදේශ් මහතා ඊයේ (09දා) පැවැති මාධ්ය හමුවකදී පැවැසීය.
“ඔළු මාරු වුණාට ක්රමය මාරු වෙලා නැහැ. බාල ඖෂධ නිසා තවමත් මරණ සිදු වෙනවා. ඒ වගේම බාල ඖෂධ තවදුරටත් රෝහල්වල තිබෙනවා. නිවැරදිව සෞඛ්ය ක්ෂේත්රය මෙහෙය විය හැකි ඇමැතිවරයකුගේ ක්රියාකාරී මැදිහත්වීම සෞඛ්ය අමාත්යාංශයට කඩිනමින් අවශ්යයි. සෞඛ්ය අමාත්යාංශයේ පාලනය දේශපාලන වෘත්තීය සමිති වෙත ලබාදීමෙන් පවතින ක්රමය වෙනස් කරන්න බැහැ” යැයි ද රවි කුමුදේශ් මහතා වැඩිදුරටත් පැවැසීය.
