ජනාධිපති ලේකම් කාර්යාලය , අමාත්යාංශ ඇතුළු රාජ්ය ආයතනවල වාහන සම්බන්ධ පරීක්ෂණ සඳහා මාසයක පමණ කාලයක් ගත වනු ඇතැයි ජාතික විගණන කාර්යාල ආරංචි මාර්ග සඳහන් කරයි.
ඒ ඒ ආයතනවලට අදාළ වාර්තා වෙන වෙනම සකස් කළ පසුව සමස්ත වාර්තාවක් සකස් කිරීමට ද නියමිත ය.
ජාතික විගණන කාර්යාලය මෙම පරීක්ෂණ ආරම්භ කළේ පසුගිය සතියේය. වාහන විශාල ප්රමාණයක නිශ්චිත තොරතුරු නොමැති බව දැනට කර තිබෙන පරීක්ෂණ අනුව අනාවරණය වී තිබේ. මේ නිසා පරීක්ෂණ පවත්වන විගණන නිලධාරීහු ද දැඩි දුෂ්කරතාවට පත්ව සිටිති . සිය ආයතනයට අයත් නොවන වාහන භාර ගත් මෙන් ම නිසි ක්රමවේදයකින් තොරව වාහන භාර ගත් නිලධාරීන් සම්බන්ධයෙන් ද නීතිය ක්රියාත්මක කිරීමට සිදු වන බවත් ඉහත ආරංචි මාර්ග කීවේය.
සියලුම ආයතනවල වාහන විගණනය සඳහා ප්රමුඛතාව දී කටයුතු කෙරෙමින් පවතින නමුත් විගණන නිලධාරීන්ගේ පවතින හිඟය පරීක්ෂණ කටයුතු මන්දගාමී වීමට හේතු වී තිබේ. විගණන නිලධාරීන් පස් දෙනෙක් සිටිය යුතු ඇතැම් ආයතනවල සිටින්නේ නිලධාරීන් දෙදෙනකු පමණක් යැයි ද ඉහත ආරංචි මාර්ග කීවේය
