2024 ජනාධිපතිවරණය ඉතිහාසයේ සාමකාමීම මැතිවරණයයි – දිවයිනේ ප්රකාශිත චන්ද ප්රමාණය 75% ත් 80% ත් අතර – පැෆ්රල් සංවිධානය පවසා ඇත.
ජනාධිපතිවරණයේ අවසන් නිරීක්ෂණය සම්බන්ධයෙන් කරුණු පැහැදිලි කරන රෝහණ හෙට්ටිආරච්චි මහතා කිරුලපනදී මාධ්ය අමතමින් වැඩිදුරත් පැවසුවේ,
ඉතිසාහයේ සාමකාමීම මැතිවරණය එලෙස අවසන් උනා.අද දිනය තුල සිදුවීම් 108 ක් වාර්ථා වෙනවා, ප්රචණ්ඩකාරී සිදුවීම් වාර්ථා වෙන්නේ එකයි.බලපෑම් කිරීම් වාර්ථා වෙනවා.චන්ද පත්රකා ඉරා දැමීම් වාර්ථා වෙනවා, කෙසේ වුවත් මෑත ඉතිහාසයේ සාමකාමීම මැතිවරණය මෙය බව ප්රකාශ කොට තිබේ.
මෙවර සමාජ මාධ්ය හරහා මැතිවරණය නීතිය නොතකා කටයුතු කිරීම අඛණ්ඩව සිදු උනා.ඒ සම්බන්ධයෙන් අපි අවධානය යොමු කර තිබෙනවා.දැන් දැනම මැතිවරණ නීති උල්ලංඝනය කිරීම් සමාජ මාධ්යයේ සිදු උනා.රාජ්ය දේපල අවභාවිතාව දකිනවා.නමුත් ක්රමානුකූලව රාජ්ය දේපල අවභාවිතා අඩුයි.
ආබාධිත ප්රජාවට මැතිවරණය සදහා පහසුකම් සපයා තිබුනා.නමුත් චන්ද මධ්යස්ථාන ඉදිරියේදී තෝරා ගැනීමේදී අවධානය යොමු කල යුතුයි.ආබාධිතයන්ට ඇතුලු වීමට අපහසු ස්ථාන තිබුනා.
කෙසේ වුවත් සමස්ථයක් ලෙස අපේ ගෞරවය මැතිවරණ කොමිසමට ලබා දෙනවා.
පොලිස්පති කෙනෙක් නොමැති වුවත් වෙනදාටත් වඩා හොදට පොලීසිය අවශ්ය සහය ලබා දුන්නා.ඒ සම්බන්ධයෙන් පොලීසියට ස්තුතියි.මාධ්ය කළ කාර්යභාරයට ස්තූතියි කරනවා.
අපි බලාපොරොත්තු වෙන්නේ මෙවැනි මැතිවරණ සංස්කෘතියක්.
අද මැතිවරණ රාජකාරී අතරතුර පොලිස් නිලධාරියෙක් මිය ගියා , ඒ සම්බන්ධයෙන් ශෝකය ප්රකාශ කරනවා.
අද වෙනකොට දේශපාලන පක්ෂ වල කාඩර් වරුන් නෑ, ඒ තත්ත්වය වෙනස් වෙලා තිබෙනවා.ගැටුම් අවම වෙලා තිබෙනවා .චන්ද දායකයා දැනුවත් වෙලා තිබෙනවා .ඒ තත්ත්වය මේ වගේ සාමකාමී මැතිවරණයකට හේතු වී තිබෙනවා.
නිශ්චිත ලෙස ප්රකාශ කරන්න බැරි උනත් දිවයිනේ ප්රකාශිත ඡන්ද ප්රමාණය 75% – 80% ත් අතර වේවි.
ඒ අනුව නුවරඑළිය 80%, ගම්පොළ 80%, කොළඹ 78%,හම්බන්තොට 78%, පොලොන්නරුව 78%, මහනුවර 78%, මොනරාගල 77%, ත්රීකුණාමලය 76%, මාතර 76%, කුරුණෑගල 75%, රත්නපුර 75%, පුත්තලම 75%, කළුතර 75%, කෑගල්ල 75%, අනුරාධපුර 75%,ගාල්ල 74%, මාතලේ 74%, බදුල්ල 73%, වවුනියා 72%, මන්නාරම 72%, අම්පාර 70%, මඩකළපුව 69%, කිලිනොච්චිය 68%, මුලතිව් 68%
