ජනාධිපතිවරණයේ නිල ඡන්ද දැන්වීම් පත්රිකා මෙතෙක් නොලැබුණු පුද්ගලයන්ට ලබන බදාදා (18දා) සිට තමන්ට අයත් තැපැල් කාර්යාල වෙත ගොස් එම පත්රිකා ලබාගත හැකි බවත්, එසේ ද ලබාගත නොහැකි පුද්ගලයන්ට තම ඡන්ද මධ්යස්ථානය තුළදී ඡන්දය දා (21දා) ඡන්ද දැන්වීම් පත්රිකා ලබාගත හැකි බවත් තැපැල්පති රුවන් සත්කුමාර මහතා “දිවයින”ට පැවැසීය.
නිල ඡන්ද දැන්වීම් පත්රිකා නිවෙස් වෙත බෙදාහැරීම පෙරේදා (14දා) අවසන් වූ බවත්, එම පත්රිකා 98%ක් බෙදා ඇති බවත්, ඉතිරිය තැපැල් කාර්යාලවලින් ලබාගත හැකි බවත් හෙතෙම කීය.
නිල ඡන්ද දැන්වීම් පත්රිකා නිවෙස් වෙත බෙදාදීම ඉතා සාර්ථකව නිමා කළ බවත්, ඒ සඳහා තැපැල් දෙපාර්තමේන්තු සේවකයන් 7000කගේ සහාය ලැබුණු බවත් තැපැල්පතිවරයා කියයි.
