පවුල් ආරවුලක් දුරදිග යාම හේතුවෙන් බිරිඳ ඝාතනය කළ සැමියා අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ, 34 හැවිරිදි පොතුපිටිය ප්රදේශයේ පදිංචි අයෙක්.
ඊයේ (14) පස්වරුවේ අදාළ ප්රදේශයේ පිහිටා ඇති නිවසක කාන්තාවට සැමියා විසින් පහර බවට වාද්දු පොලිසියට 119 තොරතුරු මධ්යස්ථානයෙන් පණිවුඩයක් ලැබී තිබුණා.
ඒ අනුව ක්රියාත්මක වූ පොලිසිය අදාළ ස්ථානයට ගොස් පරීක්ෂා කිරීමේදී තියුණු ආයුධයකින් පහරදීම හේතුවෙන් කාන්තාවක් ඝාතනයට ලක්ව ඇති බවයි නිරීක්ෂණ වී ඇත්තේ.
එමෙන්ම එම නිවස තුළ තුවාල ලබා සිටි තවත් කාන්තාවක් කළුතර නාගොඩ රෝහලට ඇතුළත් කළ බව පොලිසිය සඳහන් කළා.
එහිදී මිය ගොස් ඇත්තේ, 23 හැවිරිදි ගොරකහවත්ත, පොතුපිටිය ප්රදේශයේ පදිංචිකාරියක්.
තුවාල ලැබූ කාන්තාව මරණකාරියගේ සහෝදරියක් බවටයි මූලික විමර්ශනවලදී අනාවරණ වී ඇත්තේ.
මෘත ශරීරය පානදුර රෝහලේ තැන්පත් කර ඇති අතර සිද්ධිය සම්බන්ධයෙන් වාද්දුව පොලිසිය වැඩිදුරට විමර්ශන ක්රියාත්මකයි.
