අක්කරෙයිපත්තුව මූලික රෝහලේ වෛද්ය අධිකාරීවරයාට එල්ල වී ඇති චෝදනා සම්බන්ධයෙන් ඔහුව ධුරයෙන් ඉවත් කර අපක්ෂපාතී පරීක්ෂණයක් පවත්වන ලෙස බල කරමින් නැගෙනහිර පළාතේ රජයේ රෝහල් වෛද්යවරුන් ආරම්භ කළ වැඩ වර්ජනය, තෛපොංගල් උත්සවය වෙනුවෙන් ලබා දුන් තාවකාලික විරාමයකින් පසු අද දින (19 වෙනිදා) පෙරවරු 8.00 සිට යළි ක්රියාත්මක වේ.
සිය ඉල්ලීම් සම්බන්ධයෙන් බලධාරීන්ගෙන් සාධාරණ ප්රතිචාරයක් නොලැබීම හේතුවෙන් මෙම දැඩි වෘත්තීය සමිති ක්රියාමාර්ගය යළි ආරම්භ කිරීමට තීරණය කළ බව රජයේ වෛද්ය නිලධාරීන්ගේ සංගමය පවසන අතර, මේ හේතුවෙන් පළාතේ රෝහල් රැසක සායනික කටයුතු සහ දෛනික ප්රතිකාර සේවාවලට දැඩි බාධා එල්ල වීමේ අවදානමක් මතුව තිබේ.
