නීති විරෝධී ලෙස වත්කම් උපයා ගත් බවට චෝදනා කරමින් හිටපු අමාත්ය කෙහෙළිය රඹුක්වැල්ල මහතාගේ පුත් රමිත රඹුක්වැල්ල මහතාට එරෙහිව ගොනු කර ඇති නඩුව ලබන පෙබරවාරි මස 11 වනදා යළි කැඳවන ලෙස කොළඹ මහාධිකරණය අද (13) නියම කළේය.
මෙම නඩුව අද දින කොළඹ මහාධිකරණය හමුවේ කැඳවනු ලැබූ අවස්ථාවේදී මෙම නියෝගය නිකුත් විය. එහිදී අධිකරණය තීන්දු කළේ නඩුවට අදාළ වැඩිදුර පූර්ව නඩු විභාග සම්මන්ත්රණය (Pre-trial conference) එදිනට පවත්වන ලෙසයි.
රමිත රඹුක්වැල්ල මහතාට එරෙහිව මෙම නඩුව පවරා ඇත්තේ රුපියල් මිලියන ගණනක වත්කම් හා මුදල් උපයා ගැනීමේදී, එම වත්කම් උපයා ගත් ආකාරය නීත්යානුකූලව අනාවරණය කිරීමට අපොහොසත් වීම ඇතුළු චෝදනා කිහිපයක් පදනම් කරගනිමිනි.
