දිවයිනට පැමිණ සිටින ඉන්දීය විදේශ කටයුතු අමාත්ය ආචාර්ය එස්. ජයිශංකර් මහතා අද (දෙසැම්බර් 23) පෙරවරුවේ ජනාධිපති අනුර කුමාර දිසානායක මහතා හමුවීමට නියමිතව තිබේ.
විදේශ කටයුතු අමාත්යාංශය සඳහන් කරන්නේ, මෙම නිල හමුවෙන් අනතුරුව ජයිශංකර් මහතා අග්රාමාත්ය ආචාර්ය හරිනි අමරසූරිය මෙනෙවිය සහ විදේශ කටයුතු, විදේශ රැකියා හා සංචාරක අමාත්ය විජිත හේරත් මහතා ද හමුවීමට නියමිත බවය.
ඉන්දීය අග්රාමාත්ය නරේන්ද්ර මෝදි මහතාගේ විශේෂ නියෝජිතයෙකු ලෙස ඊයේ (22) පස්වරුවේ දිවයිනට පැමිණි ඒ මහතා, දිට්වා සුළි කුණාටුවෙන් බලපෑමට ලක් වූ ශ්රී ලංකාවට ඉන්දීය රජයේ සහයෝගය තවදුරටත් තහවුරු කිරීම මෙම සංචාරයේ ප්රධාන අරමුණක් බව ඉන්දීය විදේශ කටයුතු අමාත්යාංශය පවසයි.
සිය නිල සංචාරය නිමා කරමින් ඉන්දීය විදේශ අමාත්යවරයා අද පස්වරුවේ දිවයිනෙන් පිටත්ව යාමට නියමිතය.
