ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා, ආපදාවන්ට ලක් වූ ජනතාවට සහන සැලසීම සහ අවශ්ය සුදුසු ක්රියාමාර්ග ගැනීමේ අරමුණින් පාර්ලිමේන්තු ස්ථාවර නියෝග අංක 16 යටතේ පාර්ලිමේන්තුව කැඳවන මෙන් ඉල්ලීමක් කර තිබේ.
අග්රාමාත්ය ආචාර්ය හරිනි අමරසූරිය මහත්මිය වෙත ලිපියක් ඉදිරිපත් කරමින් ඔහු මෙම ඉල්ලීම කර ඇත.
පසුගිය දිනවල පැවති අයහපත් කාලගුණික තත්ත්වයෙන් රටේ දිස්ත්රික්ක ගණනාවක විශාල පිරිසකගේ ජීවිත මෙන්ම දේපළ හානි ද සිදු වූ අතර, එය ජන ජීවිතවලට මෙන්ම රටේ ආර්ථිකයට ද බරපතළ හානි සිදු කළ අතර, හානිය නිශ්චිතව ගණනය කළ නොහැකි තත්ත්වයක පවතී.
මෙවැනි ව්යසනකාරී අවස්ථාවක මහජන නියෝජිතයින් වශයෙන් ඉතා ඉක්මනින් වගකීම් සහගතව මැදිහත් විය යුතු බව ඔහු සඳහන් කර ඇත.
ජන ජීවිතය සෑම අංශයකින්ම යථා තත්ත්වයට පත් කිරීම සඳහා ආණ්ඩුව මීට වඩා විධිමත්ව මැදිහත් විය යුතු බව ද ඔහු අවධාරණය කර තිබේ.
