ප්රංශයේ පැරිස් නුවර පිහිටි ලූවර් කෞතුකාගාරයේ ඇති වූ ජල කාන්දුවක් හේතුවෙන් එහි ප්රදර්ශනයට තබා තිබූ කෘති විශාල සංඛ්යාවකට හානි සිදුව තිබේ.
කෞතුකාගාරයේ නියෝජ්ය පරිපාලක ෆ්රැන්සිස් ස්ටයින්බොක් මහතා විදෙස් මාධ්ය වෙත පවසා ඇත්තේ කෘති 300කට වැඩි ප්රමාණයකට හානි සිදුව ඇති බවයි. හානි වූ කෘති සම්බන්ධයෙන් අඛණ්ඩව විමර්ශන සිදු කරමින් පවතී.
මෙම ජල කාන්දුවට හේතු වූ ගැටලුව වසර ගණනාවක් පුරා කෞතුකාගාරය දැන සිටි බවත්, ඒ ආශ්රිත අලුත්වැඩියා කටයුතු එළඹෙන වසරේදී සිදු කිරීමට සැලසුම් කර තිබූ බවත් ඔහු මාධ්යට පවසා ඇත. කෙසේ වෙතත්, අලුත්වැඩියා කටයුතු සිදු කිරීමට පෙරම කාන්දුව සිදුවීමෙන් මෙම හානිය සිදුව තිබේ.
