හලාවත මහ රෝහල නැවත දැනුම් දෙන තුරු තාවකාලිකව වසා දැමීමට පියවර ගන්නා බව රෝහල් අධ්යක්ෂ, විශේෂඥ වෛද්ය සුමිත් අත්තනායක මහතා පවසයි.
අධ්යක්ෂවරයා සඳහන් කළේ, අධික ගංවතුර හේතුවෙන් රෝහල මේ වන විට අඩි පහකට වඩා ජලයෙන් යට වී ඇති බවයි.
මෙම තත්ත්වය හමුවේ රෝහලේ නේවාසිකව ප්රතිකාර ලැබූ අසාධ්ය රෝගීන් ගුවන් හමුදා හෙලිකොප්ටර් යානා මඟින් කොළඹ සහ පුත්තලම රෝහල් වෙත පිටත් කර යැවූ බව ඔහු පැවසීය. අනෙක් රෝගීන්, ගංවතුර මට්ටම් යම් තරමින් පහව යාමත් සමඟ නාවික හමුදාව හා යුද හමුදාව මැදිහත් වී වාරියපොල සහ කුරුණෑගල රෝහල් වෙත යැවීමට කටයුතු කර තිබේ.
ජලයෙන් යටවීම හේතුවෙන් රෝහලේ සීටී ස්කෑන් යන්ත්රයට පවා හානි සිදුව ඇති බවත්, වාට්ටු ජලයෙන් පිරී යාමත් සමඟ බරපතල ගැටලු රැසකට මුහුණ දීමට සිදු වූ බවත් රෝහල් අධ්යක්ෂවරයා සඳහන් කළේය.
රෝහල නැවත යථා තත්ත්වයට පත් කිරීමෙන් පසුව යළි විවෘත කිරීමට අපේක්ෂා කරන බවත්, එතෙක් කිසිදු රෝගියෙකු හලාවත මහ රෝහලට රැගෙන ඒමෙන් වළකින ලෙසත් අධ්යක්ෂවරයා වැඩිදුරටත් දැනුම් දුන්නේය.
