අයහපත් කාලගුණික තත්ත්වය හේතුවෙන් විනාශයට පත් වූ අනාරක්ෂිත ස්ථාන නැරඹීම සඳහා නොපැමිණෙන ලෙස පොලීසිය මහජනතාවගෙන් ඉල්ලා සිටී.
දිවයිනට බලපා ඇති හදිසි කාලගුණික තත්ත්වය හේතුවෙන් විනාශ වූ සියලු මාර්ග සහ පාලම් කඩිනමින් යථා තත්ත්වයට පත් කිරීමේ කටයුතු මාර්ග සංවර්ධන අධිකාරිය විසින් මේ වන විට ආරම්භ කර ඇත.
කෙසේ වෙතත්, එලෙස විනාශ වූ ස්ථාන නැරඹීමට අවට මහජනතාව විශාල වශයෙන් පැමිණෙන බව නිරීක්ෂණය වී ඇති බව පොලීසිය නිකුත් කළ නිවේදනයක සඳහන් වේ. එසේ පැමිණීම ඉතා අනාරක්ෂිත තත්ත්වයක් වන බැවින් විනාශයට පත් පාලම් සහ මාර්ග ඇතුළු අනාරක්ෂිතව පවතින ස්ථාන නැරඹීමට නොපැමිණෙන ලෙස පොලීසිය මහජනතාවගෙන් ඉල්ලා සිටී.
