ශ්රී ලංකාවේ අමෙරිකානු තානාපති ජූලි චන්ග් මහත්මිය පාර්ලිමේන්තු සංකීර්ණයේදී අග්රාමාත්ය ආචාර්ය හරිනි අමරසූරිය මහත්මිය හමු වී තිබේ.
අග්රාමාත්ය මාධ්ය ඒකකය පැවසුවේ, මෙම හමුවේදී අමෙරිකානු තානාපතිනිය, එක්සත් ජාතීන්ගේ සංවිධානය විසින් සිදු කරන සාම බලකා අධ්යාපන හා සංස්කෘතික හුවමාරු වැඩසටහන පිළිබඳවත්, අනෙකුත් සහයෝගීතා වැඩසටහන්වල ප්රගතිය පිළිබඳවත් අවධානය යොමු කළ බවයි.
දෙරට අතර අධ්යාපනික සබඳතා ශක්තිමත් කරන, එක්සත් ජනපද රජය විසින් ගෙන යන ප්රමුඛ ශිෂ්යත්ව වැඩසටහනක් වන ෆුල්බ්රයිට් ශිෂ්යත්ව වැඩසටහන පිළිබඳව ද තානාපතිනිය මෙහිදී සිහිපත් කළාය.
ඉදිරියේදී ක්රියාත්මක කිරීමට සූදානම් අධ්යාපන ප්රතිසංස්කරණ සඳහා අධ්යාපන අමාත්යාංශය, විභාග දෙපාර්තමේන්තුව සහ ජාතික අධ්යාපන ආයතනය යන ක්ෂේත්රයන්හි තාක්ෂණික විශේෂඥතා සහාය වැඩි කර ගැනීමේ අවශ්යතාව අග්රාමාත්යවරිය අවධාරණය කර ඇත. රටේ මානව සංවර්ධන ප්රමුඛතා සමග සමපාත වන විද්වතුන් බිහි කිරීමේ වැදගත්කම ද ඇය මෙහිදී අවධාරණය කර තිබේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
