සාම සාකච්ඡාවලදී පාකිස්තානය ඉදිරිපත් කළ ඉල්ලීම් ඇෆ්ගනිස්තානය විසින් දැඩි ලෙස ප්රතික්ෂේප කර ඇති බව විදෙස් මාධ්ය වාර්තා කරයි.
ඇෆ්ගනිස්තාන විදේශ අමාත්ය අමීර් ඛාන් මුත්තකි එම ඉල්ලීම් දැඩි ලෙස විවේචනය කරමින් අදහස් දක්වා ඇත. එහිදී ඔහු පවසා ඇත්තේ පාකිස්තානය ඔවුන්ගේ අභ්යන්තර ආරක්ෂක ගැටලු සඳහා ඇෆ්ගනිස්තානයට දොස් පැවරීමට උත්සාහ කරන බවයි.
අවසන් වරට පැවැති සාම සාකච්ඡාවලදී පාකිස්තානය විසින්, පාකිස්තාන භූමියේ කිසිදු ත්රස්තවාදී සිදුවීමක් සිදු නොවන බවට සහතික වන ලෙස ඇෆ්ගනිස්තානයෙන් ඉල්ලා ඇති බව වාර්තා වෙයි.
අදාළ ඉල්ලීම තාර්කික නොවන බව ඇෆ්ගනිස්තානය පෙන්වා දෙයි. ඇෆ්ගනිස්තාන විදේශ අමාත්ය අමීර් ඛාන් මුත්තකි ප්රශ්න කර ඇත්තේ “පාකිස්තානයේ ආරක්ෂාව සඳහා අප වගකිව යුතුද? අපට එහි සාම සාධක හමුදා තිබේද?” යනුවෙනි.
