ස්වයංරැකියාවක නිරත යුවළක් පසුගිය 08 වන දින රාත්රියේ බෙම්මුල්ල පොලිස් වසමට අයත් බෝගමුව ප්රදේශයේ වෙළඳසැලකට ඔවුන්ගේ නිෂ්පාදන අලෙවිකරමින් සිටියදී යතුරුපැදියකින් පැමිණි පුද්ගලයින් දෙදෙනෙකු විසින් ඔවුන්ව පරීක්ෂාවට ලක්කර තිබේ.
ඔවුන් පොලිස් නිලධාරීන් බවත්, පූර්ණ පරීක්ෂාවක් සිදුකළ යුතු බවත් පවසා මෙම පුද්ගලයන් විසින් යුවළ පැමිණ සිටි ත්රී රෝද රථය පරීක්ෂා කර ඇති අතර, අලෙවිකරු උරහිස හරහා දමාගෙන සිටි බෑගයද පරීක්ෂාවට ලක් කර ඇත.
අනතුරුව යතුරුපැදිකරුවන් දෙදෙනා පිටව ගොස් ඇති අතර, අදාළ යුවළට බෑගයේ තිබූ රුපියල් 30,000/= ක පමණ මුදලක් නොමැති බව වැටහීමෙන් පසුව ඔවුන් බෙම්මුල්ල පොලිස් ස්ථානය වෙත පැමිණ පැමිණිල්ලක් සිදුකර තිබේ.
සිද්ධියට සම්බන්ධ සැකකරුවන් දෙදෙනා අත්අඩංගුවට ගැනීම සඳහා බෙම්මුල්ල පොලිස් ස්ථානය මගින් පුළුල් විමර්ශනයක් ක්රියාත්මක වෙමින් පවතී.
