ජනාධිපති අනුර කුමාර දිසානායක මහතා සහ විශ්වවිද්යාල ආචාර්යවරුන්ගේ සමිති සම්මේලනය (FUTA) අතර හමුවක් අද (ඔක්තෝබර් 20) පෙරවරුවේ ජනාධිපති කාර්යාලයේදී සිදු වී තිබේ.
පසුගිය සමයේ විවිධ හේතු නිසා විශ්වවිද්යාල උපාධි පාඨමාලා ප්රමාද වීම සහ නිසි කාලය තුළ සම්පූර්ණ කිරීමට නොහැකි වීම හේතුවෙන් විශ්වවිද්යාල පද්ධතියේ මතුව ඇති ගැටලු සහ ආචාර්යවරුන්ට මුහුණ දීමට සිදුව ඇති අභියෝග පිළිබඳව මෙහිදී FUTA නියෝජිතයෝ ජනාධිපතිවරයා දැනුවත් කළහ.
උපාධි පාඨමාලාවල ගුණාත්මකභාවය ආරක්ෂා කර ගනිමින් ඒවා හැකි ඉක්මනින් අවසන් කිරීමට, එකතු වී ඇති කාර්යයන් කාර්යක්ෂමව ඉටු කිරීමට සහ පර්යේෂණ හා සංවර්ධන කටයුතු වැඩිදියුණු කිරීමට අදාළව සැලැස්මක් සකස් කර ඉදිරිපත් කරන ලෙස ජනාධිපතිවරයා FUTA සංවිධානයට දැනුම් දුන්නේය. එම සැලසුම ක්රියාත්මක කිරීම සඳහා අවශ්ය පහසුකම් රජය මගින් සලසා දීමට කටයුතු කරන බව ද ජනාධිපතිවරයා සඳහන් කළේය.
එමෙන්ම, විශ්වවිද්යාල ආචාර්යවරුන් සහ කාර්ය මණ්ඩල බඳවා ගැනීම, ඔවුන් විශ්වවිද්යාල තුළ රඳවා ගැනීම සහ උසස් අධ්යාපනයේ ගුණාත්මකභාවය ඉහළ නැංවීම වෙනුවෙන් ගත යුතු ක්රියාමාර්ග පිළිබඳව ද මෙම හමුවේදී අවධානය යොමු කෙරිණි.
