යාපනය දිසා අධිකරණය විසින් ලබා දුන් නියෝගයකට අනුව කෝපායි පොලිස් ස්ථානය තාවකාලිකව එම ස්ථානයෙන් ඉවත් කර තිබේ.
මෙම පොලිස් ස්ථානය සිවිල් වැසියන් අට දෙනෙකුට අයත් නිවාස අටක පවත්වාගෙන ගොස් ඇති අතර, එම නිවාස අටෙන් හතක් නැවත එම පුද්ගලයන්ට ලබා දෙන ලෙස අධිකරණය නියෝග කර තිබුණි.
අද (ඔක්තෝබර් 15) දිනයේදී පිස්කල්වරයා විසින් අදාළ නිවාස ඒවායේ නියම හිමිකරුවන්ට භාර දී ඇති බව පොලීසිය සඳහන් කළේය. ඒ අනුව, කෝපායි ප්රදේශයේ පැමිණිලි බාරගැනීමේ කටයුතු තාවකාලිකව යාපනය පොලීසිය විසින් සිදු කරනු ඇත.
මේ වන විට ආරක්ෂක හේතූන් මත කෝපායි පොලිස් ස්ථානයේ තිබූ අවි ගබඩාවද යාපනය පොලීසිය වෙත රැගෙන ගොස් තිබේ. තවත් මාස දෙකකින් පමණ කෝපායි පොලිස් ස්ථානය නැවත ස්ථාපිත කිරීමට කටයුතු කරන බව උසස් පොලිස් නිලධාරියෙක් වැඩිදුරටත් ප්රකාශ කළේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
