ජාතික ජන බලවේගයට බලය හිමි තවලම ප්රාදේශිය සභාවේ 2025 ඔක්තෝම්බර් මස 07 වැනි දිනට යෙදී තිබූ 07 වන සභාවාරයේ පස්වැනි මහා සභාව 2025 ඔක්තෝම්බර් මස 09 වැනි දින දක්වා කල්තබන ලදී.
අද දිනට යෙදී තිබූ සභාවාරයට අදාල කල් දී ඇති යෝජනා ලබාගැනීම ප්රාදේශිය සභා රීති මාලාවේ 11.1 රීතිය උල්ලංඝනය කරමින් යෝජනා ලබාගැනීම හා මහා සභාවට අදාල න්යායපත්රය සභිකයන්ට ලබාදීමේ දී අනුගමනය කළ යුතු ප්රාදේශීය සභා රීති මාලාවේ 2.3 උල්ලංඝනය කිරීම හේතුවෙන් මෙලෙස සභාව කල් තැබීම සිදුකරන ලදී.
අද දිනට නියමිත සභාවාරය සදහා 2026 වර්ෂය සදහා වන අයවැය කෙටුම්පත ද ඉදිරිපත් කිරීමට කටයුතු සූදානම් කර තිබුනි.
සමගි ජන බලවේගය ප්රමුඛ, සර්වජන බලවේගය, ශ්රී ලංකා පොදුජන පෙරමුණ, එක්සත් ජාතික පක්ෂය යන පක්ෂ මන්ත්රීවරුන් විසින් සභාවේ නිත්යානුකූල භාවය හා රීති උල්ලංඝනය කිරීම සම්බන්ද අත්සන් කරන ලද ලිපියක් සභාව ආරම්භයේදී ලබාදීමත් සමග එම ලිපිය සභාපතිවරයා විසින් සලකා බැලීමෙන් පසු මෙලෙස සභාව කල් තැබීම විශේෂත්වයකි.
