කොළඹ, මාදම්පිටිය කුණු කන්දේ තිබී මෙරට නිෂ්පාදිත බවට සැකකෙරෙන රිවෝල්වර වර්ගයේ ගිනි අවියක් සොයාගෙන ඇති බව ග්රෑන්ඩ්පාස් පොලිසිය පවසයි.
මෙම ගිනි අවිය මලකඩ පැහැයෙන් යුක්ත බව පොලිසිය සඳහන් කළේය.
මෙම සොයාගැනීම සිදුකර ඇත්තේ කැලණිය පොලිස් විශේෂ කාර්ය බළකා (STF) කඳවුරේ නිලධාරීන් විසිනි. ඔවුන් එම ස්ථානයෙන් ගමන් කරමින් සිටියදී පුද්ගලයෙකු ලබා දුන් තොරතුරකට අනුව ගිනි අවිය සොයා ගැනීමට හැකි වී තිබේ.
මෙම ගිනි අවිය කිසියම් පුද්ගලයෙකු විසින් එම ස්ථානයට දමා යන්නට ඇතැයි පොලිසිය සැක පළ කරයි.
ග්රෑන්ඩ්පාස් පොලිසිය මේ පිළිබඳව වැඩිදුර විමර්ශන සිදු කරයි.
